MO            TESTAMENTS ENREGISTRÉS AU PARLEMENT DE PARIS         (550)
Item, il laissa aus quatre ordres Mendians de Paris, pour dire vigiles, à chascune ordre pour une foiz, quarante solz Parisis,
Item, il laissa à Toste! Dieu de Saint Gervais vingt quatre solz Parisis.
Item, il laissa à l'ospital du Saint Esperit fondé en Greve vint quatre solz Parisis.
Item, le dit testateur voult et ordena que le jour de son obseque soient donnez, distribuez et aumosnez, pour l'amour de Dieu et le salut et remede de son ame, à chascun povre en sa main quatre deniers Parisis, et jusques à cinquante frans, se tant y venoit de povres.
Item, le dit testateur laissa et donna à dix povres filles à marier, à chascune dix frans, à l'ordenance, regart et voulenté de ses diz exe­cuteurs, et là où ilz verront qu'il seroit bien emploié pour Dieu et en aumosne, et en l'augmentacion de leur mariage.
Item, le dit testateur voult et ordena que le jour de son obseque soient dictes et célébrées cinquante basses messes de Requiem pour le salut et remede de son ame et par l'ordenance de ses diz executeurs, et, pour ce faire, laissa cent solz Parisis.
Item, il laissa à l'euvre Nostre Dame de Paris vint solz Parisis. Item, il laissa à l'euvre de Saint Jaques du Hault Pas lez Paris vint solz Parisis.
Item, il laissa à l'euvre de l'ospital de Saincte Katherine à Paris, fondé en la grant rue Saint Denis, quarante solz Parisis.
Item, le dit testateur voult et ordena estre dis et célébrez cinq an-nuelz de messes pour le remede et salut de son ame, par l'ordenance et voulenté de ses diz executeurs, et par telz prestres qui leur plaira à ce commettre et ordoner. Et pour dire et celebrer chascun d'iceulx cinq anuelz il laissa quarante frans.
Item, le dit testateur voult, approuva, manda et ordena que cer­taines lettres mutueles, faictes et passées entre ycellui testateur et Jehanne, sa femme, soubz le seel de la prevosté de Paris, tiengnent, vaillent et aient leur force et vertu par toutes les voyes et manieres